Schola eruditorum Meldorpiana

Schola eruditorum Meldorpiana vel breviter SEM schola Latinitatis temporibus rei publicae liberae Dithmarsicae anno 1540 Meldorpae in oppido ad filios agricolarum locupletum pastorumve Lutheranorum erudiendos condita est, ut postea satis bene praeparati in universitate Rostochiana theologiae vel legibus vel omnibus trivii et quadrivii artibus studerent.

Schola antiquissima nostra aetate gymnasium oppidi Meldorpae impensu atque auspiciis est pagi Dithmarsiae constitutum. Anno 2006 quadraginta septem magistri magistraeque, discipuli discipulae septingenti undequadraginta erant.

De temporibus aedificiisque scholae

Inter annos 1540 et 1859, SEM aedificiis duobus ex eis utebatur, quae antea monasterii Dominicanorum fuerant. Anno 1859, sedes nova aedificata est, ex qua discipulorum numero crescente anno 1962 schola in id aedificium translata est, quo his etiam diebus utitur.

Discipuli notitia digni

Adolphus Bartels, scriptor Iudaeis infensus
Gustavus Frenssen, scriptor nimio patriae amore affectus
Iohannes David Wadephul, vir in re publica versatus

Nexus externi

Vicimedia Communia plura habent quae ad Scholam eruditorum Meldorpianam spectant.

Situs geographici et historici: Locus: 54°5′40″N 9°4′19″E

Situs scholae