Sophia Kóródy

Sophia Kóródy, mense Iulio 2008

Kóródy inter moderatores Universalis Societatis Esperanticae (UEA); anno 2008-a ante praetorium Roterodami

Sophia vulgo Zsófia KÓRÓDY-BAROSS (nata 25 Maii 1956) Esperanticorum fautrix est magistraque, origine Hungarica. Ex anno 2008-o est inter esperantistas Hertzbergae, quod oppidum nunc officialiter nuncupatur Esperantica urbs (Herzberg am Harz... Die Esperanto-Stadt). Circulus iste congregatur in Interculturali Centro Hertzbergensi.

Operae Esperanticis dedicatae

Diplomate in Esperanticis ad ELTE-Universitatem Aquinci accepto laboravit in gymnasio Budapestino quodam nomine Németh László docens linguas Anglicam, Hungaricam, Esperanticam. Iam illo tempore scripsit librum exercitationum Esperanticarum et collaboravit in conficiendo Glossario medio Hungaro-Esperantico.

Sophia, ab anno 1978 industria assiduaque sodalis in Esperanticis, facta est etiam vicaria praeses et Esperanticae Iuventutis Hungaricae (HEJ) et Internationalis Iuventutis Esperanticae (TEJO). In praesidio Hungaricae Esperanticae Associationis (HEA) et Associationis Esperanticum docentium internationalis (ILEI; ab anno 2006-o) inventa est sive invenitur: vult magistros capaciores fieri, examina ubique praeberi, Esperanticas domos optime fungi.

Actiones post adventum in Saxonia Inferiori

Anno 2003-o venit Hertzbergam, in Saxoniam Inferiorem, ubi operam navabat ad acquirendum titulum Esperanticae urbis: quod post tres annos mire contigit. Magni momenti sint cum vulgatio regionalis tum vulgatio Esperanticorum.

Munera et praemia

Kóródy licentiam habet examinandi secundum has methodos: Germanicum Esperanticum Institutum (GEI), UEA/ILEI, ITK (systema Hungarici status), GEA. Cum aliis ducit Internationale Centrum ICH et praeest AGEI, Germanicae sectioni Esperantici magistrorum in orbe terrarum (ILEI).

• In Universali congressu anno 2013-o Reykiavicae celebrato honorata est Praemio de excellentibus actionibus in Universali Societate Esperantica (UEA).
• Anno 2024 nacta est Crucem de meritis ex manibus praesidentis Francisci Gualterii Steinmeier.

Externi nexus

• Hertzbergensis pagina interretialis Esperanticis dedicata
• curriculum vitae in paginis universitatis Posnaniensis