Susanna Lenglen

Susanna Lenglen (Suzanne Lenglen; Lutetiae nata die 24 Maii 1899; ibidem mortua die 4 Iulii 1938) fuit tenilustrix francica. Vicit certamina Wimbledonensia annis 1919-1923 et 1925 atque certamen teniludii apud ludos Olympicos Antverpiae anno 1920. Anno 1926 athleta professionalis facta est, sed anno sequente valetudinis causa desiit. Denique Lutetiae Parisiorum scholam teniludii gerebat. Anaemia mortua est anno 1938. Vestimentum leve albumque, quod gestabat, cum ludebat, primum mulieribus idoneum ad ludum habebatur, quia non impediebat cursum.

Bibliographia

Thomas Bauer, "Suzanne Lenglen, une sportive Art déco" in Myriam Boucharenc, Claude Leroy, edd., L'Année 1925 : L’esprit d’une époque (Nemetoduri, 2012. ISBN 978-2-8218-5104-7) pp. 277-292
Ioannes Clerici, Suzanne Lenglen, la diva du tennis. Rochevignes, 1984. ISBN 978-2-86737-010-6
Ioannes Cochennec, "Suzanne Lenglen, les années folles du tennis" (26 Iunii 2011) apud Slate.fr
Philippus Tétart, "Champion androgyne, combattante et danseuse. Portrait flou de Suzanne Lenglen (1913-1923)^{[nexus deficit]}" in International Review on Sport & Violence vol. 8 (2014) pp. 63-82

Nexus externi

Vicimedia Communia plura habent quae ad Susannam Lenglen spectant.

Lexica biographica: • Den store danske • Deutsche Biographie • Treccani • Store norske leksikon • Большая российская энциклопедия •