Victoria Tomegah Dogbé
Victoria Tomegah Dogbé, vulgo plene Victoire Sidémého Dzidudu Dogbé Tomegah (Lome in urbe die 23 Decembris 1959 nata) est politica Togi.
Alumna est Universitatis Lomeensis. Apud societatem plasticae conficiendae Togolensem (ITP) ab anno 1986 laboravit. Ab 1998 officinas Programmatis promotorii Nationum Unitarum in civitatibus Togo, Congensi Brazzapolitana, Burkina Faso, Benino operam dedit. Quo munere relicto, suadente praeside Togolensi Faure Gnassingbé primoque ministro Gilberto Houngbo (qui apud idem programma versatus est), ministra vicaria ab evolutione basica anno 2008, deinde a die 7 Maii 2010 ministra principalis ab evolutione basica et iuventute creata est: quod officium decem annos implevit sub primis ministris Gilberto Houngbo, Kwesi Ahoomey-Zunu, Komi Sélom Klassou. Huius successor ipsa denuo prima ministra die 28 Septembris 2020 a praeside Faure Gnassingbé facta est.
Bibliographia
[recensere | fontem recensere]- R. Kédjagni, "Entourage de Faure Gnassingbé" in Liberté Hebdo Togo (5 Iulii 2011)
Nexus externi
[recensere | fontem recensere]- "Togo : Victoire Tomegah-Dogbé nommée Premier ministre et chef du Gouvernement" (29 Septembris 2020) apud L.frii
