Bibliotheca Nationalis Ucrainae Vernadskiana
Bibliotheca Nationalis Ucrainae Vernadskiana (Ucrainice: Національна бібліотека України імені В. І. Вернадського) est principalis bibliotheca publica, academica et scientifica sedes maximi momenti in Ucraina. Inter grandes mundi bibliothecas nationales numeratur. Cuius principale aedificium Demiivka in suburbio Kioviae in capite civitatis situm est. Ex Vladimiro Vernadsky appellatur. Bibliothecae sunt nongenti fere conducti, quorum rector hodiernus est Liubov Dubrovina (Ucrainice Любов Дубровіна), Volodymyr Popyk sequens.
Bibliothecae sunt 15 milliones fere rerum, inter quas sunt plenissima collectio scriptorum Slavicorum, archiva praestantium scientistarum et hominum culturae Ucrainorum. Inter alias res contentas sunt collectio chartarum praesidum Ucrainae, archivalia documentorum impressorum exemplaria ex 1917, et archiva Academiae Scientiarum Nationalis Ucrainensis.
Historia
[recensere | fontem recensere]Bibliotheca rite constituta est nomine "Bibliotheca Nationalis Civitatis Ucrainensis" die 2 Augusti 1918 a hetmanno Paulo Skoropadskyi, qui consilium bibliothecae nationalis creandae die 23 Augusti 1918 instituerat, Vladimiro Vernadsky duce. Mense Augusto 1941, bello mundano secundo saeviente, bibliotheca ad Ufam, caput Baskiriae, translata est, ubi in instituto civico paedagico condita est; Kioviam autem mense Maio 1944 relata est.
Principale bibliothecae aedificium hodiernum inter 1975 et 1989 exstructum est. Cui sunt viginti septem tabulata et area 35 700 m². Tectum est 76.7 metra altum, et eius antenna 78.6 metra supra solum.[1]
De rebus congestis
[recensere | fontem recensere]
Collectio Bibliothecae Nationalis Vernadskianae in plus quam 15 milliones rerum consistit, praecipue librorum impressorum ex saeculis duodevicensimi et undevicensimi. Etiam inter res contentas sunt magnae collectiones manuscriptorum,[2] rarorum librorum impressorum, et quidem incunabulorum.
Bibliotheca insigniter Evangelium Orsanum tenet, qui liber, ex saeculo tredecimo, est unus ex veterrimis libris Ruthenicis notis et unus ex veterrimis qui abecedarium Cyrillicum pingit. Liber a monasterio Orsae in urbe servatus erat, ubi a militibus Napoleonicis anno 1812 inventus est. Anno 1874, Academiae Theologicae Kiovianae datus est.
Eneida, poema epicum ab Ioanne Kotliarevsky Ucrainice scriptum et in Aeneide Latina conditum, est prima litterarum res in lingua Ucrainica vulgari scripta, ac primus qui de "historia, lingua, traditionibus, fide, et sententiis ethicis aestheticisque" Ucrainae saeculorum duodevicensimi exeuntis undevicensimique ineuntis disceptat, nam Kotliarevsky heroes Vergiliani in Cosacos commutat.[3] Bibliotheca quinque exemplaria editionis primae tenet.
Pinacotheca
[recensere | fontem recensere]-
Evangelium Orsanum (saeculo tredecimo exeunte). -
Evangelium Peresopnytske (1556–1561). -
Trebnik (1646), liber Petri Mogilae, theologi et metropolitani (1596–1647).
Notae
[recensere | fontem recensere]- ↑ De Bibliotheca Nationali Vernadskiana in situ interretiali de caeliscalpiis.
- ↑ Papyrus 7 est unum ex veterrimis.
- ↑ The Aeneid in V. I. Vernadsky National Library of Ukraine. World Digital Library. Situs accessus die 25 Novembris 2019.
Bibliographia
[recensere | fontem recensere]
Plutei. - Дубровіна Л. А., Онищенко О. С. Національна бібліотека України імені В. І. Вернадського в 1918—1988 рр.: основні етапи розвитку // «Бібліотечний вісник». — 1998. — № 5. — С. 5–17.
- Дубровіна Л. А., Онищенко О. С. Історія Національної бібліотеки імені В. І. Вернадського (1941—1964). — К., 2003. — 357 с.
- Дубровіна Л. А., Онищенко О. С. Історія Національної бібліотеки імені В. І. Вернадського. 1918—1941. — К., 1998. — 338 с.
- Дубровіна Л. А., Онищенко О. С. Історія Національної бібліотеки імені В. І. Вернадського. 1941—1964. — К., 2003. — 358 с.
- Дубровіна Л. А., Онищенко О. С. Історія Національної бібліотеки імені В. І. Вернадського. 1965—1991. — К., 2008. — 374 с.
- Національна бібліотека України імені В. І. Вернадського // Бібліотеки Національної Академії наук України. — К., 1996.
- http://leksika.com.ua/18120524/legal/natsionalna_biblioteka_ukrayini_imeni_v_i_vernadskogo Національна бібліотека України імені В. І. Вернадського] //
- Національна бібліотека України імені В. І. Вернадського, 1918—1998: Бібліографічний покажчик літератури за 1993—1998 рр. — К., 1998. — 180 с.
- Національна бібліотека України імені В. І. Вернадського: видання бібліотеки та література про її діяльність (2004–2018): Науково-бібліографічний покажчик / ред.: Л. А. Дубровіна, Т. В. Добко. – Київ: Національна бібліотека України імені В. І. Вернадського, 2018. – 598 с. [Електронне видання].
- Онищенко О., Попроцька В. Основні підсумки наукової діяльності. Національна бібліотека України імені В. І. Вернадського // Бібліотечний вісник. — 2000. — № 2. — С. 3–14.
- Центральна наукова бібліотека імені В. І. Вернадського Академії наук України, 1918—1993 рр.: Бібліографічний покажчик. — К., 1993. — 300 с.
