Bractea
Bractea[1] est plantae pars; folium mutatum est, cuius in axilla flos aut inflorescentia sedet.
Plantae plures bracteas minores, quam folia cetera, habent; nonnullae et omnino bracteis carent (haec ebracteatae appellantur), nonnullae autem, ut Euphorbia pulcherrima vel Melampyrum nemorosum, bracteas magnas et laete coloratas habent.
Secundum formam bracteae distinguuntur acuminatae, concavae, ellipticae, lanceolatae, lineares, ovales, peltatae, petaloideae, oblongae, ovatae, squamiformes, subulatae etc.
Notae
[recensere | fontem recensere]- ↑ M. Kirpicznikov et N. Zabinkova, Lexicon Rossico-Latinum in usum botanicorum, Leninopoli 1977, s.v. прицветник.
Nexus externi
[recensere | fontem recensere]- Bracteatarum definitio in dictionary.com (Anglice)
- De bractea in Lexico encyclopaedico Brockhaus et Efron (Russice)