Cerambycidae

Batus barbicornis femina

Animalia — Arthropoda

Subphylum : Mandibulata
Superclassis : Hexapoda
Classis : Insecta
Subclassis : Pterygota
Infraclassis : Neoptera
Superordo : Endopterygota
Ordo : Coleoptera
Superfamilia : Chrysomeloidea
Familia : Cerambycidae
Latreille, 1802^[1]

Palaeontologia

Subdivisiones: Subfamiliae

Decem; vide commentarium.

Cerambycidae sunt cosmopolita coleopterorum familia,^[2] quorum proprietas notissima est antennae longissimae, saepe tam longae quam corpus animalis, vel etiam corpore longiores. In variis autem generibus familiae, antennae brevissimae sunt (exempli gratia in Neandra brunnea), unde magnum est tales species a coleopteris cognatis sicut Chrysomelidis distinguere.

Familia est permagna, plus quam 26 000 specierum descriptarum comprehendens, quarum parum plus quam dimidium in hemisphaerio orientali endemicae sunt. Nonnullae sunt pestes, commercio noxiae. Larvae in lignum terebrant, ubi arbores aut vivas aut caesas magnopere laedere possunt, vel aliquando lignum in aedificiis constructis adhibitum; ideo Hylotrupes bajulus intus est quaestio magni momenti. Nonnullae species formicas, anthophila, vespidasque imitantur, quamquam species plerumque cryptice colorantur. Titanus giganteus, species rara in America Australi septentrionali orientalique inventa, maximum mundi insectum saepe habetur (quamquam non gravissimum, non longissimum), corpore plus quam 16.7 centimetra longo.^[3]

Scientificum huius familiae coleopterorum nomen proprium ex Cerambo, persona in mythologia Graeca, deducitur, ex pastore qui, post dissensionem cum nymphis, in magnum coleopterum cornutum commutatur.

Subfamiliae

Acrocinus longimanus – magna species; mari sunt longissima crura anteriora
Anoplophora chinensis – pestis magni momenti
Anoplophora glabripennis – species ex Asia invadens
Aridaeus thoracicus – species in Australia endemica
Butherium erythropus
Cerambyx
Desmocerus californicus dimorphus – subspecies in periculo in California
Moneilema – genus volatu carens
Onychocerus albitarsis – solum coleopterum notum cui est ictus hominibus venenosus
Pachyta
Petrognatha gigas – magnum coleopterum in Africa
Prionoplus reticularis – coleopterum huhu vulgo appellatum, gravissimum coleopterum in Nova Zelandia
Rosalia alpina – species Europaea, in periculo
Semanotus
Tetraopes tetrophthalmus – species toxica, coloribis aposematicis
Tetropium fuscum – pestis invadens
Titanus giganteus – unum ex maximis mundi coleopteris

↑ "Cerambycidae Latreille, 1802". apud Integrated Taxonomic Information System .
↑ Gomes Gonçalves, Marcos Paulo (December 2017). "Relationship Between Meteorological Conditions and Beetles in Mata de Cocal". Revista Brasileira de Meteorologia 32 (4): 543–554 .
↑ Max Barclay (2010). "Titanus giganteus Linnaeus (1771)". Londinii: Natural History Museum .
↑ Patrice Bouchard; Yves Bousquet; Anthony E. Davies; Miguel A. Alonso-Zarazaga; John F. Lawrence; Chris H. C. Lyal; Alfred F. Newton; Chris A. M. Reid et al (2010). "Family-group names in Coleoptera (Insecta)". ZooKeys 88: 1–972 .

Monné, Miguel A., et Frank T. Hovore. 2005. Electronic Checklist of the Cerambycidae of the Western Hemisphere. PDF. Cerambycids.com.

Vicimedia Communia plura habent quae ad Cerambycidas spectant.

Vide "Cerambycidas" apud Vicispecies.