Eucharistia

Sacrificium Sanctum offertur in ecclesia Sanctissimae Trinitatis, Romae

De eucharistiae sacramento venerabili atque sanctissimo, 1655

Eucharistia (ex Graeco εὐχαριστία 'gratiarum actio'), etiam Communio Sancta, Sacramentum Mensae, Sacramentum Beatum, Coena Domini, Missa, Sancta Missa, et alia nomina appellata, est sacramentum quod commemoratio Ultimae Cenae late habetur, cibi extremi quem Iesus Christus suique inter se communicaverunt antequam ipse in custodiam datus est et postremo crucifixus est.

Hoc sacramentum in ecclesiis Catholica Romana, Anglicana, et alii ecclesiis sacramentalibus est gravissimum sacramentum, quo Christus se Patri victimam offert, suam in cruce cruens Sacrificium sine effusione sanguinis praesentans.

Hoc sacramentum originem accepit ab actu Iesu in Ultima Cena, cum panem vinumque acceperit, suis mandans: "hoc facite in meam commemorationem." Eucharistiae tamen institutio in sacrificiis Veteris Testamenti praefiguratur, et notum est factum in eius praedicatione, mirabiliter in capitulo sexto Evangelii Ioannis, cum dicit: "Nisi manducaveritis carnem Filii hominis et biberitis eius sanguinem, non habetis vitam in vobismetipsis." Multae ecclesiae igitur Christianae semper vinum panemque in memoriam Christi Passionis accipiunt, quae in Domini corpus sanguinemque verti confitentur. Ergo Eucharistia aut Sanctissimum Sacramentum species quoque consecratae nominantur, quae post missam adservantur. Celebratio Eucharistiae praecipuam liturgiae sacramentalis partem vitae ecclesiae format, cum aliis sacramentis initiationis Christianae, baptismo et confirmatione, stricte conligata est, quia initiatio Christiana per Eucharistiam concluditur. Modus celebrandae Eucharistiae per saecula Christiana copiosas formas habet, tam in oriente quam in occidente, sed semper actio Christi in ultima coena praesens fieri creditur.

Nomen eucharistiae ("gratiarum actio") ex eo intellegitur fideles in missa gratias Deo pro dono tam iucundo agere. Verba Graeca eucharistein (Lc 22,19; 1 Cor 11,24) et eulogein (Mt 26,26; Mc 14,22) benedictiones Iudaicas revocant in memoriam quae — praesertim in convivio — Dei proclamant opera: creationem, redemptionem et sanctificationem.

Eucharistia est sacramentum vivorum quod solum ab eis qui sunt in statu gratiae et quorum anima non a peccato mortali gravatur assumi potest.

Sunt tamen theologi moderni ut Alanus Guillaume qui eucharistiam etiam ut sacramentum mortuorum reputent, quippe quod peccata absolvat: "sacramentum quod peccata remittit est Eucharistia" ut scribit.

Nexus interni

• Adoratio Eucharistica
• Vasa sacra
• Missa
• Pontificius Comitatus Eucharisticis Internationalibus Conventibus provehendis
• Transubstantiatio
• Alanus Guillaume
• Traditio Apostolica

Bibliographia

Lexicon

• Vox Abendmahl (I.- V.) In: Theologische Realenzyklopädie (TRE). Vol. 1, Berolini / Novi Eboraci 1977. ISBN 3-11-006944-X, p. 43–229.
• Vox Abendmahlsfeier, ibidem p. 229-328.

Exegesis Novi Testamenti

• Schröter, Jens (2006). Das Abendmahl. Frühchristliche Deutungen und Impulse für die Gegenwart (= Stuttgarter Bibelstudien 210). Stuttgardiae. ISBN 3-460-03104-2.

Ecclesia Catholica

• Meßner, Reinhard (2001). Einführung in die Liturgiewissenschaft, cap. 3: Die Eucharistie (Schöningh, UTB 2173), Paderbornae. ISBN 3-8252-2173-3.

Ecclesia Orthodoxa

• Schmemann, Alexander (2005). Eucharistie. Sakrament des Gottesreichs. Friburgi. ISBN 3-89411-388-X.

Ecclesiae Evangelicae

• Ecclesia Evangelica Germaniae (2003). Das Abendmahl. Eine Orientierungshilfe zu Verständnis und Praxis des Abendmahls in der evangelischen Kirche. Guterslohae. ISBN 3-579-02378-0 (in interrete, PDF.

Nexus externi

Vicimedia Communia plura habent quae ad eucharistiam spectant (Eucharist, Communion).

• Catechismus Catholicae Ecclesiae, cap. 1322–1419.
• Compendium Eucharisticum
• Adhortatio apostolica postsynodalis Sacramentum caritatis papae Benedicti XVI