Horstius Köhler
Horstius (Horst) Köhler (natus Skierbieszów in oppido Polonico die 22 Februarii 1943; mortuus Berolini die 1 Februarii 2025) fuit Praeses Foederalis Germaniae ab anno 2004 ad diem 31 Maii 2010.
Familia, iuventus, munus
[recensere | fontem recensere]Maiores Horstii Köhler agricolae Germani fuerunt, qui in Romania vixerunt. Post secundum bellum mundanum coeptum parentes in Poloniam a Germania occupata migraverunt, ubi Horstius Köhler natus est. Anno 1944 familia metu exercitus Sovietici in oppidum Zöbigker (apud Lipsiam) fugit. Ibi Köhler ad annum 1953 vixit. Deinde familia communistas tum in oriente parte Germaniae regnantes fugit et in castris fugitivorum vixit. Ab anno 1957 Köhler gymnasium frequentabat et 1963 maturitatem adeptus est. Deinde militavit et Tubingae oeconomiae et iurisprudentiae studebat. Anno 1969 diploma oeconomiae accepit et ad annum 1976 adiutor scientificus in instituto oeconomico Universitatis Tubingensis laboravit. Anno 1977 doctor promotus est. Deinde in Administerio Foederali Oeconomiae laboravit. Anno 1981/1982 in cancellaria statali Slesvici et Holsatiae et deinde in Administerio Foederali Aerarii Publici laboravit.
Cursus honorum
[recensere | fontem recensere]Köhler, qui anno 1981 sodalis CDU factus est, Annis ab 1990 ad 1993 secretarius statalis in Administerio Foederali Aerarii Publici merebat, et deinde ad annum 1998 foedus Theodiscum aerariorum comparsorum regebat. Anno 2000, Köhler, Gerardo Schröder suadente, rector Aerarii Monetarii Internationalis factus est. Die 23 Maii 2004, candidatus Christianae Democraticae Unionis Germaniae et Factionis Democraticae Liberalis Germaniae praeses foederalis electus est. Die 23 Maii 2009 iisdem factionibus iterum creatus est.
Recessus
[recensere | fontem recensere]Die autem 31 Maii 2010 Köhler a magistratu praesidis se recessit, quod propter orationem quandam maxime vituperatus est. Nam 22 Maii dixerat Germaniam et commercii causa bellis interesse debere. Multi homines haec verba ad bellum Afghanicum pertinere crediderunt. Pro tempore successor eius secundum constitutionem Germanicam Jens Böhrnsen, praeses Consilii Foederalis et magister civium Urbis Hanseaticae Bremae factus est.
Nexus externi
[recensere | fontem recensere]
|
Vicimedia Communia plura habent quae ad Horstium Köhler spectant. |
 | ||||
| ||||
 | |
|
Camillus Gutt 1946 • Inguarus Rooth 1951 • Petrus Jacobsson 1956 • Petrus Paulus Schweitzer 1963 • Henricus Ioannes Witterveen 1973 • Iacobus de Larosière 1978 • Michael Camdessus 1987 • Horatius Koehler 2000 • Rodericus Rato 2004 • Dominicus Strauss-Kahn 2007 • Ioannes Lipsky 2011 • Christina Lagarde 2011 | |