Insulae Crozet

Aquae cadentes insulae Possesionis

Insulae Crozet sunt archipelagus Oceano Indico medio situs. Pars Terrarum australium antarcticarumque Francicarum est (ab anno 1955).

Aptenodyti patagonici in insulis Crozet

Archipelagus

Lacus des Skuas in insula Orientali

Sex insulae maiores in archipelgo sunt, multis insulis minoribus er saxis circumcinctae. Quattuor insulae gregem occidentalem componunt:

• Insulae Apostolorum (Francogallice Îlots des Apôtres) duae, Maior et Minor, freto tenui separatae;
• Insula Porcorum (Île aux Cochons; porci a nautis saeculo XVIII in insulam emissi ita multiplicabantur, ut insulam laedent; saeculo XX exstincti sunt);
• Insula Eudyptorum (Île des Pingouins).

Ad orientem duae magnae insulae iacent:

• Insula Possessionis (Île de la Possession), archipelagi maxima;
• Insula Orientalis (Île de l’Est).

Saxa litoralia insulae Possessionis

Natura et incolae

Insulae sunt saxosae et montanae; imber circa 300 dies per annum cadit et venti perpetui fortissimi flant. Glaciaria absunt, sed humus in saxis insularum Croset exiguus et minime fertilis est'; arbores et fritices absunt, solum herba et musci crescunt, vel saxa nuda totum annum manent. Eudyptes chrysolophus, Aptenodytes patagonicus, phocae, procellariae, diomedeae abundant.

Incolae absunt; sola statio exploratoria Alfredus Faure (nomine primi directoris appelata) in insula Possessionis laborat.

Diomedea exulans in insula Possessionis

Historia

A Marco Iosepho Marion Dufresne nauta Francogallico insulae anno 1772 primum inventae sunt; Dufresne eis nomen administri sui Iulii Crozet dedit. Iacobus Cook in circumnavigatione sua tertia ad insulas visitavit. Piscatores, qui phocas et balaenas capiebant, saeculo XIX et XX naves appellabant.

Nexus externi

Situs geographici et historici: Locus: 46°22′48″S 51°40′12″E • OpenStreetMap • GeoNames • Thesaurus Getty • "98413" apud INSEE • Store norske Lexikon