Ioannes Schröder
Ioannes vulgo Johann Schröder (natus die 24 Novembris 1869 Vindobonae, mortuus die 13 Ianuarii 1928 ibidem) diurnarius Austriacus, praeses esperantistarum Theodiscorum in Imperio Austro-Hungarico et membrum in Commissione linguistica (LK) fiebat (quae postea Academia Esperantica nuncuptata est).
Vita
[recensere | fontem recensere]E familia Hungarica oriundus agriculturae studuit et Vindobonae et Dasenae in Bohemia. Ipse in Hungaria rurans magistratibus diversis de ruratione consiliabatur. Vindobonam reversus omnino se diurariorum arti consecravit.
Schröder motionem Esperanticam in Vindobona quasi officialiter collocavit, cum anno 1902 Sodalitatem Esperanticam condidit. Cui praefuit velut Unioni Esperantistarum Theodiscorum in Austria quae organizatio usque Primum bellum mundanum duravit.
Anno 1905 Gesoriaci primo in congressu universali particeps in motu catholico Esperantico multa laudabilia paravit atque peregit. Insuper pro periodico Neuigkeitsweltblatt operam dabat (variis in redactionibus, e.g. de rebus localibus, de cultura) in quo iterum atque se cerycem pro idiomate Zamenhofiano in communicatione internationali fecit. Anno 1924, cum Vindobonae congressus universalis XVI celebraretur, ei licuit esse praeses et conventus et commissionis examinatoriae linguisticae.
Ipse multos linguam internationalem docuit et diu folia Informaj Raportoj - Oficiala organo por la Ligo de Germanlingvaj Aŭstriaj Grupoj Esperantistaj (1908-1910) et Germanaŭstria Esperantisto (1910-1914) modum in diligentem disposuit. Etiam periodicum internationale catholicum Espero Katolika edendum curabat. Insuper symbolas tradidit assiduis moderatoribus foliorum Tra La Mondo (1905-1908) et Juna Esperantisto (pro iunioribus).
Opera selecta
[recensere | fontem recensere]Mentionis dignus sit liber definitivus eius in domo editoria Lipsiensi Hartleben anno 1906 Methodisches Lehrbuch der internationalen Hilfssprache Esperanto (=Die Kunst der Polyglottie, 88). Ibidem editum est anno 1924 glossarium Kleines praktisches Wörterbuch der internationalen Hilfssprache Esperanto: enthaltend Wörterverzeichnisse Esperanto-Deutsch, Deutsch-Esperanto. Arthuri Schnitzler drama absurdum Der grüne Kakadu (1912).
Bibliographia
[recensere | fontem recensere]- "1914: Kandidatoj al la Lingva Komitato. Schröder, Johann - Vieno." Apud: Oficiala Gazeto Esperantista, 1914 (8/63), p. 183-184