LGBT
LGBT sive GLBT est usitatissimum Anglicum acronymum ad colligenda omnia quae ad culturam aut ad communitatem lesbicam, androphilicam marem (vulgo gay), bisexualem et transgeneram attinent. Quamquam controversa abbreviatio est, maiorem accurationem ad integrandas dissimiles libertatis sexualis formas ostendit quam vocabulum homosexualis. Acronymum GLBT usitatius in Civitatibus Foederatis et Australia, dum LGBT, praecipue lesbianismum conspicuum faciens, more receptius in Europa est.
Notio etiam LGBTI est, quod intersexualem ad LGBT addit, quod in usu assiduo Activistae Directionis ad "Yogyakartae Principia in Actione" est.[1] Alii litteram Q (LGBTQ vel LGBTIQ) addunt, quod significare potest queer ('prodigiosus', verbum generale homines designans qui vel non sunt heterosexuales vel non sunt cisgeneres) vel questioning ('quaerens', id est 'se ipsum de identitate generis vel sexuali interrogans').
Hispanice[2] et Dacoromanice[3] eidem sententiae nonnumquam etiam adiectivum altersexual in usu est (sicut alterseksueel Batavice[4]), quod igitur Latine vocabulo altersexualis vertere possit.
Nexus interni
- Asexualitas
- Internationalis Lesbianarum, Androphilorum marium, Bisexualium, Transgenerorum et Intersexualium Consociatio
- Dies internationalis contra homophobiam, transphobiam et biphobiam
- Declaratio Montis Regii
- Homosexualitas
- Intersexualitas
- Litterae homosexuales
- Propensio sexualis
- Transgenerismus
- Transsexualitas
- Vestiario exire
- Yogyakartae Principia
- Yogyakartae Principia in Actione
Notae
[recensere | fontem recensere]Nexus externi
[recensere | fontem recensere]
|
Vicimedia Communia plura habent quae ad LGBT spectant. |