Liber II Regum
| Nebiim (prophetae) in Thanach | |
|---|---|
| prophetae priores | |
| ספר יהושע | Liber Iosue |
| ספר שופטים | Liber Iudicum |
| ספר שמואל | Libri Samuelis |
| ספר מלכים" | Libri Regum |
| prophetae posteriores | |
| יְשַׁעְיָהוּ | Liber Isaiae |
| יִרְמְיָהוּ | Liber Ieremiae |
| יְחֶזְקֵאל | Liber Ezechielis |
| תרי עשׂר | Duodecim prophetae |
Liber II Regum vel Liber Secundus Regum[1] (Hebraice מְלָכִים ב, Melajim Bet), est liber Thanach Iudaici et Veteris Testamenti. Olim primus et secundus Liber Regum unum volumen erant, ut inter alia masora finalis post Reg II 25,30 demonstrat.
Si plus cognoscere vis, vide etiam Libri Regum.In ecclesiis orientalibus liber regnorum quartus (Graece: Δ' Βασιλειών), in Vulgata liber Malachim II vocatur.
Compendium
[recensere | fontem recensere]Liber II Regum historiam regnorum divisorum (regnum Israel et regnum Iudae) usque ad casum Samariae (Reg II 17) continuat. Deinde historia regni Iudae usque ad casum Hierosolymorum et posteriorem Ioachin regis e carcere dimissionem sequitur.
- Narrationes maximi momenti:
- Historiae Eliae et Elisaei prophetarum.
- Finis regni Israel (anno 722 a.C.n.)
- Reformatio Iosiae regis (anno 622 a.C.n.)
- Finis regni Iudae (anno 587 a.C.n.)
Singula argumenta
[recensere | fontem recensere]Historia regnorum divisorum (continuata ex libro I Regum) (Reg I 12,1 - Reg II 17,41)
[recensere | fontem recensere]- 1,1–18: Ohozias rex Israel – idololatria eius, annuntiatio iudicii ab Elia propheta facta, mors Ohoziae.
- 2,1–18: Elias et Elisaeus - Elias curro igneo turbine in caelum ascendit.
- 2,19–25: Miracula Elisaei: Elisaeus aquas Hierici sanat; prope Bethel pueri, qui eum ludibrio habuerunt, ab eo damnati a duobus ursis lacerantur.
- 3,1–27: Ioram rex Israel - bellum contra Moab civitatem agit.
- 4,1–44: Alia Elisaei miracula: Elisaeus viduae vasculum oleo implet, filium Sunamitis mulieris a morte resuscitat, escam venenatam sanat et esurientes nutrit.
- 5,1–27: Elisaeus Naaman Syrum sanat, Gehasi autem, servum suum, quod iniussu remunerationem accepit, punit.
- 6,1–7: Elisaeus ferrum in Iordanem illapsum natantem facit.
- 6,8–23: Elisaeus insidia regis Syriae ad vanum redigit.
- 6,24 - 7,1–20: Samaria urbs a Syris oppugnata fameque vexata ab Elisaeo salvatur.
- 8,1–6: Elisaus et Sunamitis mulier.
- 8,7–15: Elisaeus et Hazael, rex Damasci.
- 8,16–24: Ioram, rex Iudae.
- 8,25–29: Ochozias, rex Iudae.
- 9,1 - 11,20: Iehu, rex Israel: in regem unctus seditio facit, Iezabel interficitur, domus Achab a Iehu exstirpata est, cultus Baal dei supprimitur.
- 11,1 – 12,22: Athalia per sex annos Hierosolyma regit, cui coniuratione facta Ioas rex Iudae succedit. Ioas templum renovat, divitias autem templi Aramaeis tradere debet, in fine necatur.
- 13,1–25: Ioachaz rex Israel, Ioas rex Israel, ultima Elisaei prophetia.
- 14,1–22: Amazias rex Iudae - bellum eius cum Ioa, rege Israel - mors amborum.
- 14,23–29: Ierobeam II rex Israel.
- 15,1–7: Azarias rex Iudae.
- 15,8–31: Zacharias, Sellum, Manahem, Phaceia et Phacee reges Israel.
- 15,32–39: Ioatham rex Iudae.
- 16,1–20: Achaz rex Iudae se Assyriis subdit et deos alienos colit.
- 17,1–41: Osee, ultimus Israel rex, ab Assyriis in Assyriam deportatur - peccatum Israel causa exitus exponitur - populus Samaritanorum oritur.
Historia regum Iudae (Reg II 18,1–25,30)
[recensere | fontem recensere]- 18,1–37: Ezechias rex Iudae - Assyrii incolas Israel deportant, Hierosolyma oppugnant - Rabsace regis Assyriorum Iudaeos oratione irridet.
- 19,1–37: Prophetia Isaiae prophetae - litterae regis Assyriorum – oratio Ezechiae et Dei responsio per Isaiam prophetam – discessus regis Assyriorum.
- 20,1–21: Morbus sanitasque Ezechiae restituta
- 20,12–21: Legatio Babylonica ad Ezechiam venit - mors Ezechiae.
- 21,1–26: Manasses rex Iudae et idoloatria eius – Amon rex Iudae.
- 22,1 23,30: Iosias rex Iudae: Secundum corpus iuris, quod in templo restaurando inventum est quaeque traditione cum Deuteronomio exaequatur, religionme Iudaicam reformat (foedus cum Deo renovatur, idoloatria supprimitur, Pascha quae "non factum est ... a diebus iudicum" celebratur. - Mors Iosiae contra Aegyptios pugnantis.
- 23,31 - 24,20: Iachaz rex Iudae, Ioachim rex Iudae: Prima Hierosolymorum oppugatio a Nabuchodonosore facta primaque deportatio in Babyloniam.
- 24,20 - 25,21: Sedecias secedit a rege Babyloniorum (sive Chaldaeorum), templum Hierosolymitanum deletur, incipit (secunda) Captivitas Babylonica.
- 25,22–26: Populo, qui relictus erat in terra Iudae, Nabuchodonosor praefacit Godoliam filium Ahicam.
- 25,27–30: Ioachim regi venia datur.
Fontes antiquiores
[recensere | fontem recensere]Auctor in hoc libro interdum fontes ut videtur citat: "Reliqua autem gestorum Ochoziae, quae operatus est, nonne haec scripta sunt in libro annalium regum Israel?" (II Reg. 1.18, itaque saepe); "Reliqua autem gestorum Ioram et universa, quae fecit, nonne haec scripta sunt in libro annalium regum Iudae?" (II Reg. 8.23, itaque saepe).
Notae
[recensere | fontem recensere]Si plus legere vis
[recensere | fontem recensere]- Mordechai Cogan / Hayim Tadmor, II Kings. A new translation with introduction and commentary (= The Anchor Bible. Vol. 11). Novi Eboraci: Doubleday 1988, ISBN 0-385-02388-X.
- Volkmar Fritz, Das zweite Buch der Könige (= Zürcher Bibelkommentare. 10,2), Turici: TVZ 1998, ISBN 3-290-10993-3.
- T. Raymond Hobbs, 2 Kings (= Word Biblical Commentary. Vol. 13). Waco, Tex.: Word Books 1985, ISBN 0-8499-0212-6.
Nexus externus
[recensere | fontem recensere]- Prophetae priores: Liber Iosue • Liber Iudicum • Liber Samuelis, id est Sam I et Sam II in Vulgata • Liber Regum, id est Reg I et Reg II in Vulgata
- Prophetae posteriores: Isaias • Ieremias • Ezechiel • Dodecapropheton
Libri historici Veteris Testamenti
- Iosue • Iudicum • Ruth • I Samuelis et II Samuelis • I Regum et II Regum • I Paralipomenon et II Paralipomenon • Esdrae • Nehemiae • Esther
- Deuterocanonica (catholice ac orthodoxe) sive Apocrypha (protestantice): Iudith • Thobis • I Maccabaeorum et II Maccabaeorum • Additamenta Esther