Mars Thincsus

Mars Thincsus est deus Romano-Germanus syncreticus, cuius nomen ex unica inscriptione, in castro Vercovicii^(en)(d) (hodie Housesteads) prope Vallum Aelium inventa, notum est. Scriptum est:

Deo / Marti / Thincso / et duabus / Alaisiagis / Bede et Fi/mmilene / et N(umini) Aug(usti) Ger/m(ani) cives Tu/ihanti / v(otum) s(olverunt) l(ibentes) m(erito).

Talis inscriptio tempore Alexandri Severi facta est. Nomen “Thincsus, Thingsus” videtur a vocabulo Germanico *Þingsaz derivavisse, de Þing, concilio legifero et iudiciali; fortasse Tyri deo propinquus fuit, qui a Romanis etiam ut Mars colebatur. Alaisiagae cum Marte Thincso vocatae deae caedis fuerunt, deo bellicoso sociae.

Bibliographia

Ioannes Clayton, W.T. Watkin, Aemilius Hübner, G. Stephens: On the discovery of Roman Inscribed Altars, etc., at Housesteads. In: Archaeologia Aeliana 2. Serie, 10 (1885), pp. 148–172.
Wilhelmus Scherer: Mars Thingsus. In: Sitzungsbericht der königlich preußischen Akademie der Wissenschaften zu Berlin 1, Berolini 1884, pp. 571–582.
Rudolfus Simek: Lexikon der germanischen Mythologie (= Kröners Taschenausgabe. Band 368). 3., völlig überarbeitete Auflage. Kröner, Stuttgardiae 2006, ISBN 3-520-36803-X, p. 265.

Nexus interni