Nicolaus Ryt'kov

Nulla Vicipaediae Latinae pagina huc annectitur.

Quaesumus in alias commentationes addas nexus ad hanc paginam relatos. Quo facto hanc formulam delere licet.

Català: No hi ha cap article a la Viquipèdia en llatí que enllaci amb aquest. Si us plau, aneu a una pàgina relacionada amb el tema i afegiu-hi un enllaç que dirigeixi el lector cap aquí. Un cop ho hagueu fet, podreu esborrar la plantilla.
Deutsch: Kein anderer Artikel der lateinischen Vicipaedia verweist auf diesen. Bitte füge in einem nahverwandten Artikel einen Verweis hierhin ein. Sobald dies geschehen ist, kann diese Vorlage entfernt werden.
English: No other page on the Latin Vicipaedia links to this. Please go to a closely related page and insert a link pointing here. Once that is done, this header can be deleted.
Español: No hay artículo en la Wiquipedia en latín (Vicipaedia) que enlce aquí. Por favor, vaya a una página relacionada con el tema e inserte un enlace aquí. Cuando esté hecho, se borrará la plantilla.
Esperanto: Neniu alia paĝo de la latinlingva Vikipedio havas ligilon al tiu ĉi paĝo. Bonvolu iri al teme proksima artikolo kaj meti ligilon tien ĉi. Poste vi rajtas forigi la atentigilon pri ligilmalĉeesto.
Italiano: Nessun'altra pagina sulla Wikipedia in latino si collega a questo articolo. Vai a una pagina strettamente correlata e inserisci un link che punta qui. Fatto ciò, questa intestazione può essere cancellata.

Nicolaus Ryt'kov (Russice Николай Рытьков; natus Smolensci die 3 Decembris 1913; mortuus Londinii die 1 Septembris 1973) fuit histrio, dux programmatis, moderator radiophonicus, et esperantista Russicus.

Vita et actiones

In adulescentia, puer tredecim annorum a Romano Nikolskyiam idioma Zamenhofianum doctus est; studiis theatricis apud GETETIS/GITIS^? perfectis ab anno 1933 Nicolaus Moscuae in theatro iuventutis communisticae pro Lenin nominato mimus fuit. Anno 1933, in matrimonium duxit histrionem Divinam Naryshina. Cum Unioni esperantistarum Sovieticorum adhaereret, quam Stalin periculosam atque perfidam habuit, anno 1938 in carcerem missus est. Mense Martio 1938 agentibus in rebus sponte sua se tradidit credens se in Esperanticis interpretari debere. Tormentis adhibitis proditio nulla facta est, quoniam Nicolao innocenti nihil confitendum erat.

Inde ei in Sibiria anni molesti duodeviginti degendi erant, e quibus octo in castris carceralibus performidatis apud Kolyma sitis.^[1]

Nicolaus liberatus histrionis munere rursus functus est, et in pluribus pelliculis et emissionibus radiophonicis Sovieticis se produxit. Anno 1965, conventui cuidam esperantistarum Vindobonae interfuit, ubi consilium cepit de exsilio petendo. Namque felix emolumentum rerum Esperanticarum in Unione Sovietica magis magisque in dubio fuit, ut credebat. Iam antea (1963) ei concessum erat Bulgariam visere ad sodales Esperanticos internationales Serdicae conveniendos.

Trans Franciam in Britanniam Maiorem iit, et in sinu stationis radiophonicae BBC libenter acceptus est. Russice undis radiophonicis compatriotas symbolis delectavit, Esperantice Russica convertit ac notiora fecit. De eius diebus Britannicis memorias habemus Margaritae Boulton et aliorum. Saepe valde salvus erat in congressibus Esperanticis et pro acroasibus declamationibusque fervidis ovationes gratas accepit. In Germania autem, multitudo de Nicolao Ryt'kov certior facta est, quae annis 1967 et 1968 pelliculam de bello interno Russico (Bürgerkrieg in Rußland) spectavit. Ibi Ryt'kov partes Lenin ducis egit, Theodisce loquens.

Anno 1973 in Theatro Aulico Regio iterum capitis communistarum maligni partes egit in dramate praetitulato Magnificence (quod pepigit Howardus Brenton). Paulo post mortuus est gravissimo stomachi morbo laborans. Sinaidae uxori res Esperanticae semper in odio fuisse dicuntur.^[2]

Bibliographia

Ulrich Lins, Die gefährliche Sprache: Die Verfolgung der Esperantisten unter Hitler und Stalin. Gerlingen: in aedibus Bleicher, 1988.

Nexus externi

Ryt'kov apud IMDb
vita in lexico cinematographico Russico (cum photographemate)

Notae

↑ Boris Kolker, "Aktoro malliberigita." - recensio in librum Sub la signo de Liro kaj Verda Stelo. Memorlibro pri aktoro Nikolaj Rytjkov facta. Edidit M. Abolskaja. Ex aedibus Impeto, Moscuae 1999, ISBN 5-7161-0060-0.
↑ A. Kharkovskij: "Ŝi tion faris!" - Apud: La Ondo de Esperanto, 11/1999 (61).

[1] Boris Kolker, "Aktoro malliberigita." - recensio in librum Sub la signo de Liro kaj Verda Stelo. Memorlibro pri aktoro Nikolaj Rytjkov facta. Edidit M. Abolskaja. Ex aedibus Impeto, Moscuae 1999, ISBN 5-7161-0060-0.

[2] A. Kharkovskij: "Ŝi tion faris!" - Apud: La Ondo de Esperanto, 11/1999 (61).

[1]

[2]