Poor Things (pellicula 2023)

Nulla Vicipaediae Latinae pagina huc annectitur.

Quaesumus in alias commentationes addas nexus ad hanc paginam relatos. Quo facto hanc formulam delere licet.

Català: No hi ha cap article a la Viquipèdia en llatí que enllaci amb aquest. Si us plau, aneu a una pàgina relacionada amb el tema i afegiu-hi un enllaç que dirigeixi el lector cap aquí. Un cop ho hagueu fet, podreu esborrar la plantilla.
Deutsch: Kein anderer Artikel der lateinischen Vicipaedia verweist auf diesen. Bitte füge in einem nahverwandten Artikel einen Verweis hierhin ein. Sobald dies geschehen ist, kann diese Vorlage entfernt werden.
English: No other page on the Latin Vicipaedia links to this. Please go to a closely related page and insert a link pointing here. Once that is done, this header can be deleted.
Español: No hay artículo en la Wiquipedia en latín (Vicipaedia) que enlce aquí. Por favor, vaya a una página relacionada con el tema e inserte un enlace aquí. Cuando esté hecho, se borrará la plantilla.
Esperanto: Neniu alia paĝo de la latinlingva Vikipedio havas ligilon al tiu ĉi paĝo. Bonvolu iri al teme proksima artikolo kaj meti ligilon tien ĉi. Poste vi rajtas forigi la atentigilon pri ligilmalĉeesto.
Italiano: Nessun'altra pagina sulla Wikipedia in latino si collega a questo articolo. Vai a una pagina strettamente correlata e inserisci un link che punta qui. Fatto ciò, questa intestazione può essere cancellata.

Poor Things (2023)
Dispositor	Georgius Lanthimos
Primi actores	Emma Stone Marcus Ruffalo Gulielmus Dafoe Ramy Youssef Christophorus Abbott Jerrod Carmichael
Duratio	142 minuta
Natio	Hibernia Britanniarum regnum Civitates Foederatae
Lingua	Lingua Anglica

Poor Things est pellicula hilaritate nigra surrealisticaque colorata a Georgio Lanthimos dispositore Graeco anno 2023 confecta, cuius scaenarium ab Antonio McNamara scriptum est ex mythistoria eiusdem tituli Alexandri Gray. Qua pellicula de femina narratur, quae ab infante usque ad mulierem maturam se educavit. Quae mulier (Bella ab Emma Stone incorporata) aevo Victoriano non naturali modo gignitur, sed quodam artificio inhumano in lucem editur.

Argumentum

Bella, virgo quaedam, mortem sibi consciverat saltans de ponte ad turrim Londiniensem sito; fetu enim gravida erat. Quod cadaver Godwinus Baxter, vir insanus scientiarum peritus (Willem Defoe), audacter recuperandum curat et Bellam, feminam corpore fetumque cerebro, redanimat haud aliter quam portentum Frankenstein: itaque pro cerebro mulieris cerebrum infantis substituit, datque illi mentem infantis et nomen Bellae Baxter.

Quae virgo, a Godwino Baxter tecta, plus de mundo hominum cognoscere adpetit. Godwinus Duncanum Wedderburn (Marcus Ruffalo) conducit, ut Bellae et Maxio McCandles, discipulo Godwini (Ramy Youssef), tabulas matrimoniales signet. Sed Bella, quae masturbationem voluptatemque sexualem animadvertit, cum Duncano, causidico lascivo, iter Olisiponem proficiscitur, quod ad feminismum oculos ei aperiet. Olisipone fere continuo coeunt, nam Bella suae voluptati vivere cupit.

Duncanus, cohibere Bellam difficile sibi ratus, eam in scapham circumnavigantem clam inponit. Qua in navicula cum duobus vectoribus, qui ei quaestiones philosophicas aperiunt, amicitia iungitur. Duncanus eam, quin crescat, frustra impedire conatus potationi aleaeque indulget.

Bella, dum Alexandriae consistunt, pauperorum visà miseriordià inquieta fit eosque adiuvare cupit. Itaque lucra aleatoria Duncani committit nautis protervis, qui pauperis eas pecunias se daturos esse falso pollicentur. Cum ad finem iter continuatum Bellae et Duncano non suppetant facultates, Massiliae descendere conati sine pecuniis Lutetiam pergere constituunt. Bella pecuniam conlocationemque quaerens in lupanari versari incipit, Duncanumque indignatione fractum relinquit. In lupanari consuetudinem habebat cum Toinetta conlupa, quae eam in socialismum introducit.

Bella Londinium reversa se cum Godwino reconciliat, consiliumque Maxio nubendi renovat. Attamen nuptiae eorum a Duncano et Alfredo Blessington duce generali interrumpuntur. Declarat enim Alfredus Bellam, quam Victoriam appellat, iam antequam fugisset, sibi nupsisse: nunc se venisse, ut Bellam sive Victoriam repetat. Bella, cupiens vitam suam ante actam cognoscere, Maxium relinquit. Sed mox naturam Alfredi violentam et quidem sadisticam invenit. Bella se Victoriam fuisse et, ut ab Alfredo effugeret, sibi mortem conscivisse intellegit.

Alfredus Bellam in villam suam includit, illique sclopeto minatus medicamentum soporiferum urget, declaratque se eam, cum primum clitoridem removerit, coitu completurum esse. At Bella medicamentum in faciem Alfredi iactat, qui fortuito se in pedem sclopetat et animo relinquitur. Bella in domum Godwini redit et, adiuvante Maxio, cerebrum caprinum in caput Alfredi inserit. Deinde Bella et Max et Toinetta vitam novam in domo Godwini mortui ineunt. Alfredus autem gramine feliciter vescitur.

Distributio (inperfecta) partium

Emma Stone – Bella Baxter
Marcus Ruffalo – Duncanus Wedderburn
Guilhelmus Dafoe – Godwinus Baxter
Ramy Youssef – Maxius McCandless
Jerrod Carmichael – Harrius Astley
Christophorus Abbott – Alfredus Blessington
Margareta Qualley – Felicitas
Katharina Hunter – Swiney
Susanna Bemba – Toinette
Hanna Schygulla – Martha von Kurtzroc

Bibliographia

Brzeski, Patrick (2023) Yorgos Lanthimos and Emma Stone’s Sex-Filled Gothic Fable ‘Poor Things’ Showered With Applause at First Venice Screenings. Hollywood Reporter, 1 Septembris
Clute, John (2024) Poor Things. The Encyclopedia of Science Fiction Quartum edita.
Rooney, David (2023) 'Poor Things' Review: Emma Stone Is Stupendous as a Reanimated Woman Reinventing Herself in Yorgos Lanthimos' Fantastical Odyssey. The Hollywood Reporter, 1 Septembris.

Nexus externi

Poor Things review: Emma Stone is 'perfectly cast' in this truly bizarre female Frankenstein story. BBC, 1 Sept. 2023.