Universitas Casanensis
Universitas CasanensisCivitas: Russia
Locus: 55°47′27″N 49°7′19″E
Situs: Casanum
Rectio
Nomen officiale: Казанский (Приволжский) федеральный университет, Казан (Идел буе) федераль университеты;
Situs interretialis
Praetorium: Casanum;
Origo
Tabula aut despectus
Universitas Casanensis, nunc rite Universitas Foederalis Casanensis (Subvolganus),[1] est universitas publica Russiae, Casani in capite Tatarstaniensi sita. Una ex antiquissimis et maximis universitatibus Russicis est.
Historia
[recensere | fontem recensere]Caesarea[2] (sive Imperatoria[3] vel Imperialis[4]) Litterarum Universitas Casanensis, Alexandro I imperatore Russico anno 1804 condita, facta est una e primis universitatibus Imperii Russici. Annis sequentibus multi homines clari in hac universitate docuerunt vel studuerunt (et nonnulli ex alumnis postea professores eiusdem universitatis fuere). Anno 1918, paulo post res novas Octobres, universitas publica facta est. Ab anno 1925 (et usque ad annum 2010) in honorem Vladimiri Ul'janov-Lenin (qui in facultate iuridica Universitatis Casanensis anno 1887 studebat) rite nominabatur. In Unione Sovietica certi facultates Universitatis Casanensis transformatae sunt in institutiones educationis separatas (e.g. anno 1930 facultas medicinae universitatis facta est institutum medicum, quod nunc est Universitas Publica Medica Casanensis). Anno 2010 hac universitas facta est foederalis, certis aliis institutis educationis ad eam adiunctis.
Facultates et instituta
[recensere | fontem recensere]Facultas (ordo) iuridica sola facultatum Universitatis Casanensis nunc manet, facultatibus (ordinibus) aliis iam saeculo 21 in instituta transformatis, quorum nunc sunt:
- chemicum Butlerovianum (ab anno 2003)
- geologiae et technologiarum naphtae et gasii (ab anno 2011)
- gubernationis, oeconomicae et pecuniarum (ab anno 2014)
- ingeniariae
- mathematicae calculationis et technologiarum informationis (ab anno 2011)
- mathematicae et mechanicae Lobačevskianum (ab anno 2011)
- medicinae fundamentalis et biologiae (ab anno 2012)
- oecologiae et usus naturae (ab anno 2006)
- philologiae et communicationis interculturalis (ab anno 2011)
- physicae (ab anno 2011)
- psychologiae et educationis (ab anno 2011)
- relationum internationalium, historiae et studii Orientis (ab anno 2013, ab anno 2024 cum hoc nomine)
- scientiarum socialium ac philosophicarum et communicationum massalium (ab anno 2014)
- technologiarum informationis et systematum intellectualium (ab anno 2011)
Professores selecti
[recensere | fontem recensere]- Ioannes Baudouin de Courtenay
- Vladimirus Bechterev
- Alexander Butlerov
- Eduardus Eichwald
- Eduardus Eversmann
- Nicolaus Katanov
- Nicolaus Lobačevskij
- Boris Ordynskij
- Eugenius Tarle
- Alexander Višnevskij
- Nicolaus Zinin
Alumni selecti
[recensere | fontem recensere]- Sergius Aksakov
- Miles Balakirev
- Nicolaus Beketov
- Alexander Butlerov
- Stanislaus Govoruchin
- Matthaeus Gusev
- Petrus Kaščenko
- Vladimirus Lenin
- Nicolaus Lobačevskij
- Alexander Luria
- Nicolaus Semaško
- Leo Tolstoj
- Alexander Višnevskij
- Nicolaus Zinin
Notae
[recensere | fontem recensere]- ↑ Russice Казанский (Приволжский) федеральный университет; Tartarice Казан (Идел буе) дәүләт университеты.
- ↑ "Catalogus praeelectionum in Universitate Litterarum Caesarea Casanensi" (1815) [1]
- ↑ "IMPERATORIA Litterarum Universitas Casanensis" [2]
- ↑ "Conspectus praelectionum in Universitate Imperiali Litterarum Casanensi" [3]
Nexus externi
[recensere | fontem recensere]
|
Vicimedia Communia plura habent quae ad Universitatem Casanensem spectant. |
- Catalogus praelectionum in Universitate Litterarum Caesarea Casanensi a die 13 Aug. 1816 ad 10 Iul. a. 1817 habendarum promulgatus auctoritate senatus academici. Casani ex universitatis officina typographica. Factore F. Bockelmann (Textus apud Google Books)
 |
Haec stipula ad universitatem aut scholam spectat. Amplifica, si potes! |